«MB5» ЖШС жобасы

ЖТН DP21681750

 Жобаның өзектілігі

Қазақстан Республикасында, сондай-ақ көптеген дамушы елдерде, мал шаруашылығы өнімдерін өндірудегі негізгі мәселелердің бірі – жыл бойғы сапалы жем-шөп базасының жетіспеушілігі болып табылады. Халық санының көбеюі және әлемдік экономикалардың жедел дамуы жануар тектес өнімдерге сұраныстың артуына әкеледі. Сол уақытта мал азықтық дақылдарға да сұраныс өсуде. Сондықтан болашақта азық-түлік қауіпсіздігін қамтамасыз ету дәстүрлі емес ресурстарды кеңейту мен тиімді пайдалануға және жануарларға арналған жем мен қоспаларды өндірудің инновациялық технологияларын енгізуге байланысты болады.

Бұл жоба ҚР АШМ-нің 2021-2030 жылдарға арналған АӨК дамыту тұжырымдамасына сәйкес келеді.

Осыған байланысты зерттеу тақырыбы өзекті деп есептеледі, ал алынған нәтижелер мал азығын өндіру, мал шаруашылығы және азық-түлік қауіпсіздігі салаларында практикалық маңызға ие.

Тақырыптың жаңалығы

Жаңалығы – спирт және сою өнеркәсібі қалдықтарын экструдталған құрама жем құрамдастары ретінде пайдалануында. Сонымен қатар, біз алғаш рет байытылған экструдталған жем өндірудің түйіршіктелген технологиясын ұсындық, оған Қазақстан Республикасының өнертабыс патенті алынған және ол осы жоба аясында коммерциялануда.

Жобаның мақсаты

Спирт және сою өндірісінің қалдықтарын пайдалана отырып, ауыл шаруашылығы жануарларына, құстарға және балықтарға арналған арзандатылған экструдталған құрама жем өндірісін ұйымдастыру.

Күтілетін және қол жеткізілген нәтижелер

Өндірісті толық іске қосу нәтижесінде РННТД 23РК0007 қолданылатын болады, яғни жоғары қоректік және қауіпсіз экструдталған және түйіршіктелген өнімдерді (жем, жем қоспалары) өндіру және пайдалану әдісі енгізіледі. Негізгі шикізат ретінде спирт өндірісінің қалдығы – барда, сондай-ақ сою қалдықтары қолданылады.

Негізгі күтілетін нәтиже – Қазақстан нарығына және кейіннен шетелдік нарықтарға барлық түрдегі ауыл шаруашылығы жануарларына, құстарға және балықтарға арналған жоғары қоректік және қауіпсіз экструдталған құрама жемді шығару. Бұрын алынған нәтижелер спирт өндірісі қалдықтарын негізгі ақуыздық компонент ретінде пайдалануға болатындығын дәлелдеді.
Техникалық құралдар барданың, дәнді дақылдардың немесе дән қалдықтарының қоспасынан жануарлардың өнімділігін арттыратын толыққанды, жоғары сіңімді құрама жем алуға мүмкіндік береді.
Барданы қайта өңдеу нәтижесінде жоба мақсатына қосымша спирт өндірісі қалдықтарын утилдеу мәселесі шешіледі, бұл спирт зауыттары орналасқан жерлерде экологиялық жүктемені азайтады. Сол сияқты ет комбинаттарының және сою алаңдарының қалдықтарын тиімді пайдалану мәселесі де шешімін табады.

Қазіргі уақытта құрама жем зауытының құрылысы аяқталуға жақын; жабдықтар мен техника сатып алынды; өндірістік ғимараттар құрылысына келісімшарт жасалды; және АПЗ алынды.

Коммерцияландыру жобасының негізінде жүргізілген ғылыми-зерттеу жұмыстары нәтижесінде спирт өндірісінің қалдықтарынан экструдталған жем өндірудің рецептуралары мен технологиясы әзірленді, сондай-ақ жануарлардың өнімділігін арттыратын биологиялық қауіпсіз жем қоспалары жасалды.

Экструдталған және түйіршіктелген жем өндіру технологиясы пысықталып, оған ҚР өнертабыс патенті №35952 «Экструдталған түйіршіктелген өнім өндіру әдісі» алынды. Экструдталған жемдерді қолдану жануарлардың өнімділігін арттырып, түпкі өнімнің өзіндік құнын төмендетеді.

 Зерттеу тобы

Жоба жетекшісі: Шалмағамбетов Азамат Төлегенұлы

Коммерцияландыру жөніндегі маман: Успанов Жанибек Зейналұлы

Аға ғылыми қызметкер: Балджи Юрий Александрович

Ғылыми қызметкер: Майер Евгений Геннадьевич

Ғылыми қызметкер: Бабошина Людмила Дмитриевна