ИРН AP23487951

Іске асыру мерзімі: 2024–2026 жж.

Орындаушы ұйым: «С. Сейфуллин атындағы Қазақ агротехникалық зерттеу университеті» КеАҚ

Жоба жетекшісі: Адильбеков Жанат Шабанбайұлы, ветеринария ғылымдарының кандидаты, профессор

Басым бағыт: Агроөнеркәсіптік кешеннің тұрақты дамуы (интенсивті мал шаруашылығы, аквакультура)

Жобаның қысқаша сипаттамасы

Жоба аквакультурада қолдануға арналған биологиялық белсенді қоспалармен (фитогениктермен) байытылған отандық экструдталған құрама жемдерді әзірлеуге бағытталған. Негізгі басымдық жемнің сіңімділігін арттыруға, балықтың өнімділігін жоғарылатуға, балық өнімдерінің сапасы мен қауіпсіздігін қамтамасыз етуге, сондай-ақ импорттық жемдерге тәуелділікті төмендетуге бағытталған.

Жобаның мақсаты

Бағалы балық түрлеріне арналған экструдталған байытылған құрама жемдер технологиясын әзірлеу және ғылыми негіздеу, олардың өнімділік әсерін, өнім сапасы мен қауіпсіздігін бағалау.

Негізгі міндеттері

• биологиялық қоспалары бар экструдталған құрама жем рецептураларын әзірлеу;
• экструзия технологиясын жетілдіру және тәжірибелік жем партияларын өндіру;
• жемнің қоректік құндылығын, физика-химиялық және технологиялық қасиеттерін бағалау;
• жемдерді тұйық су айналымы қондырғыларында және тоған шаруашылықтарында сынақтан өткізу;
• балық еті сапасы мен қауіпсіздігіне ветеринариялық-санитариялық бағалау жүргізу;
• әзірленген жемдерді қолданудың биологиялық және экономикалық тиімділігін есептеу.

Негізгі нәтижелер

• фитобиотикалық қоспалармен байытылған экструдталған құрама жемдер (BioFeed-P) әзірленді;
• жемдердің тиімділігі тұйық су айналымы жүйелерінде және тоған шаруашылықтарында расталды;
• әзірленген жемдер балық өсіру-биологиялық көрсеткіштері бойынша импорттық баламалардан кем түспейді;
• балық еті сапасы мен қауіпсіздігі бойынша нормативтік құжаттар талаптарына сәйкес келеді;
• рецептураның арзандауы және жем конверсиясының жақсаруы есебінен азықтандырудың өзіндік құны айтарлықтай төмендетілді.

Практикалық маңызы

Жоба нәтижелері өнеркәсіптік және фермерлік балық шаруашылықтарында енгізілуі мүмкін. Әзірленген экструдталған құрама жемдерді пайдалану өндірістің рентабельділігін арттыруға, импортқа тәуелділікті азайтуға және қауіпсіз, бәсекеге қабілетті балық өнімдерін өндіруге мүмкіндік береді.

Күтілетін әсер

Жоба аквакультураға арналған отандық экструдталған жемдерді ауқымды өндіруге, оларды коммерцияландыруға және антибиотиктерге балама болып табылатын, антимикробтық резистенттілікті төмендетуге ықпал ететін фитобиотиктер негізіндегі жем желісін одан әрі дамытуға ғылыми-технологиялық негіз қалайды.

Жоба орындаушылары