2025 жылдың 30 мамырында Сәкен Сейфуллин атындағы Қазақ агротехникалық зерттеу университеті (ҚАЗАТЗУ) БҰҰ Азық-түлік және ауыл шаруашылығы ұйымының (ФАО) бас директоры Цюй Дунъюйді ресми сапармен қабылдады. Бұл оқиға Қазақстанның аграрлық ғылымдар, білім беру және тұрақты даму саласындағы халықаралық ынтымақтастығын дамытудағы маңызды кезең болып табылады.

Сапар барысында "NFT-KATU" ЖШС қызметкерлері өз әзірлемелерін ұйымдастырылған көрмеде көрсетті. Негізгі инновациялардың қатарына ауылшаруашылық жануарлары, құстар мен балықтар үшін тағамдық құндылығы жоғары фитобиотиктермен байытылған экструдталған құрама жем, ара ауруларының алдын алу және емдеуге арналған жаңа биологиялық өнімдер, сондай – ақ ветеринариялық-санитариялық сараптама зертханалары үшін азық-түлік сапасы мен қауіпсіздігін анықтауға арналған тест жинақтары жатады.

Қонақтардың назарын тамақ өнімдерінің сапасы мен қауіпсіздігін бақылауға арналған экспресс-жиынтықтар желісі аударды:

* Өлген немесе азап шегіп өлтірілген жануарлардың етін анықтауға арналған жинақ;

* Лабораториядан тыс жерде сүттің қышқылдығын анықтауға арналған тест-жинақ;

* Калий перманганатын анықтауға арналған жинақ;

* Ет және ет өнімдеріндегі нитраттарды/нитриттерді анықтауға арналған жинақ;

* Құс етіндегі қалдық белсенді хлорды анықтауға арналған индикаторлар.

Ұсынылған жиынтықтарды зертханадан тыс жағдайда қолдануға болады.

Сонымен қатар, ауыл шаруашылығының тиімділігін арттыруға бағытталған көпжылдық зерттеулердің нәтижелерін жинақтайтын маңызды ғылыми еңбектер – монографиялар мен мақалалар ұсынылды.

Бұл іс-шара аграрлық ғылымдар мен технологиялар саласындағы халықаралық ынтымақтастықтың маңыздылығын атап көрсетеді, сондай-ақ Қазақстанның агроөнеркәсіптік кешені мен әлемдік аграрлық ғылымның дамуына елеулі үлес қосатын ҚАТЗУ ғылыми-зерттеу қызметінің жоғары деңгейін көрсетеді.