«NFT-KATU» ЖШС – мал, құс, балық және араларға арналған жем қоспалары, биопрепараттар, сондай-ақ ауыл шаруашылық малдарының маститінен сақтандыру және емдеу үшін қауіпсіз құралдарды әзірлейтін компания – ғылыми және ғылыми-техникалық қызмет субъектісі ретінде аккредитациядан тағы да 5 жылға өтті.

Бұл мәртебе компанияның зерттеу жұмыстарының жоғары стандарттарға сәйкестігін растайды және мемлекеттік ғылымды қолдау бағдарламаларына қатысуға, сондай-ақ халықаралық серіктестермен ынтымақтастықты кеңейтуге мүмкіндік ашады.

Бұл компанияның дамуындағы маңызды қадам, ол ғылыми-техникалық әлеуетті кеңейтуге және Қазақстан Республикасында мал шаруашылығы мен ветеринарияның тиімділігін арттыруға көбірек үлес қосуға мүмкіндік береді. Ал тұтынушылар үшін бұл – сапалы және ең бастысы, қауіпсіз мал шаруашылығы өнімдеріне қол жеткізу деген сөз.