С. Сейфуллин атындағы ҚАТЗУ командасы «NFT-KATU» қызметкерлерінің жетекшілігімен 2026 жылғы 16 сәуірде С. Сейфуллин атындағы Қазақ агротехникалық зерттеу университеті базасында өткен, «Ауыл» партиясы мен «Acapedia» білім беру платформасы ұйымдастырған HACKATHON 3.0 «Инновация. Тұрақтылық. Болашақ» байқауында 2-орын иеленді. Іс-шара инновациялық шешімдерді іздеуге және тұрақты болашаққа бағытталған жастар жобаларын дамытуға арналды.

Байқауға жоғары оқу орындары мен колледждердің 40-тан астам студенттік командасы қатысып, тұрақты даму мен технологиялық болашаққа бағытталған инновациялық жобаларын ұсынды. Іс-шараны республикалық Qazaqstan телеарнасы жариялады: https://qazaqstan.tv/news/226071

Біздің «Vet Lab» командамызды «Жануарлар туралы ғылым және ветеринария» институтының студенттері таныстырды:

1. Ерасыл Таутанов – 3-курс, «Ветеринариялық қауіпсіздік» білім беру бағдарламасы,
2. Дария Мусина – 4-курс, «Тағам өнімдерінің қауіпсіздігі» білім беру бағдарламасы,
3. Малика Ширинитдинова – 4-курс, «Тағам өнімдерінің қауіпсіздігі» білім беру бағдарламасы.

Байқауға «САПАЛЫ ӘРІ ҚАУІПСІЗ МАЛ ШАРУАШЫЛЫҒЫ ӨНІМІН АЛУҒА АРНАЛҒАН ФИТОБИОТИКТЕР МЕН ФИТОГЕНИКТЕР» атты жоба ұсынылды. Жоба фермерлердің келесі міндеттерін шешуге бағытталған:

• сүт өнімділігін арттыру,
• мастит аурушаңдығын төмендету,
• аурудан кейін сүт өнімділігін жедел қалпына келтіру,
• қауіпсіз сүт өнімдерін алу.

Студенттерге 100 000 теңге көлемінде сертификат табысталды.