2024 жылдың 12 қарашасынан бастап «NFT-KATU» ЖШС және С.Сейфуллин атындағы Қазақ агротехникалық зерттеу университетінің қызметкерлері Санкт – Петербургте өткен «Ресей сүті - 2024» VI Агроөнеркәсіптік форумына қатысты. Бұл форум агроөнеркәсіптік саладағы маңызды оқиғаға айналды және жыл сайын 1000-нан астам қатысушыны тартады. Форумға қатысушылар қатарында 90-ға жуық спикерлер мен 55-тен астам жетекші сарапшылар, сондай-ақ өз өнімдері мен қызметтерін ұсынатын заманауи кәсіпорындар мен агрокешендер бар.

Аграрлық саладағы үздік тәжірибелерді қолдау және насихаттау мақсаты болып табылатын «табысты шаруашылықтар» конкурсы-ауқымды әлеуметтік жобаға ерекше назар аударылды.

«Ресей сүті-2024» көрме-форумының бағдарламасы келесі салалардағы инновациялық шешімдердің тұсаукесерлерін қамтыды:

- Зоотехния,

- Ветеринария,

- Генетика,

- Жемшөп дайындау және өндіру,

- Ірі қара малға қолайлы жағдай жасау,

- Жабдықтар мен техника,

- Аграрлық кәсіпорындарды салу және басқару,

- Агроөнеркәсіптік кешенді одан әрі дамыту бойынша өз тәжірибелерімен және көзқарастарымен бөлісетін табысты компаниялар басшыларының және саланың танымал сарапшыларының сөз сөйлеуі.

Форум тәжірибе алмасуға, жаңа іскерлік байланыстар орнатуға және сүт өндірісі мен жалпы агроөнеркәсіп саласындағы өзекті мәселелерді талқылауға арналған тамаша алаң.

Ұйымдастырушыларға алғысымызды білдіреміз – «Институт Молока» ЖШҚ.