С. Сейфуллин атындағы Қазақ агротехникалық зерттеу университетінде Агро-технопарктің ашылуы аясында агроөнеркәсіптік кешенге арналған инновациялық әзірлемелердің мамандандырылған көрмесі ұйымдастырылды. Іс-шараға Қазақстан Республикасы Ауыл шаруашылығы министрі А.С. Сапаров, ҰАҒБО басқарма төрағасы Б.К. Асанов, «Агрофирма Родина» ЖШС бас директоры И.А. Сауэр және басқа да қонақтар қатысты. Олар ұсынылған әзірлемелермен танысып, олардың отандық АӨК-ті дамыту үшін маңызын атап өтті.

Көрмеде «NFT-KATU» ЖШС және «МВ5» ЖШС университеттің басқа да стартап компанияларымен қатар, сондай-ақ ҰАҒБО-ның еншілес ұйымдарымен бірге ғылыми-өндірістік бағыттағы кең ауқымды әзірлемелерін таныстырды. Қонақтарға экструдталған байытылған жемдер, фитогендік жемдік қоспалар, спирт өндірісінің қайта өңделген қалдықтары негізіндегі құрама жемдер, сондай-ақ ара ауруларының алдын алу және емдеуге арналған фитопрепараттар көрсетілді.

Сонымен қатар, компания желін емшектерін өңдеуге арналған жаңа фитобиотикалық құралды және мал шаруашылығы өнімдерінің сапасы мен қауіпсіздігін анықтауға арналған экспресс-тесттерді таныстырды. Жануар шаруашылығы мен ветеринария саласының мамандарына арналған ғылыми еңбектерге – монографиялар мен әдістемелік ұсынымдарға да ерекше назар аударылды.

Университет базасында Агро-технопарк құру ғылыми зерттеулерді дамытуға, органикалық өнімді ілгерілетуге, аграрлық секторға инновациялық технологияларды енгізуге және ғылым мен өндіріс арасындағы өзара іс-қимылды нығайтуға бағытталған.

Өткізілген көрме отандық әзірлеушілердің әлеуетін көрсету және АӨК саласын одан әрі дамыту перспективаларын талқылау үшін маңызды алаңға айналды.