«NFT-KATU» ЖШС «МВ5» ЖШС-мен бірлесіп, 2026 жылғы 22-24 сәуір аралығында Астана қаласында өткен RES 2026 EXPO жасыл және орнықты технологиялар халықаралық көрмесінде С. Сейфуллин атындағы Қазақ агротехникалық зерттеу университетін таныстырды.

Көрме алаңында университеттің ғылыми-өндірістік әзірлемелерінің кең ауқымы көрсетілді. Келушілерге экструдталған байытылған құрама жемдер, фитогенді азықтық қоспалар, спирт және сою өндірісінің қайта өңделген қалдықтары негізіндегі құс пен балыққа арналған құрама жемдер, сондай-ақ ара ауруларының алдын алу және емдеуге арналған фитопрепараттар, фитобиотиктер, мал шаруашылығы өнімдерінің сапасы мен қауіпсіздігін анықтауға арналған экспресс-тесттер және мал шаруашылығы мен ветеринария саласындағы мамандарға арналған әдістемелік ұсынымдар ұсынылды.

Келушілердің ерекше қызығушылығын араларға арналған «BeeStrip» биожолақтары тудырды. Олар варроатоз, акарапидоз, нозематоз және аралардың басқа да ауруларының алдын алу мен емдеуге арналған. Өнім шоғырландырылған өсімдік сығындыларынан – фитобиотиктерден дайындалған. Олар көктемгі кезеңде ара отбасыларының сауығуына және дамуын қолдауға, сондай-ақ оларды қыстауға дайындауға ықпал етеді. Өнім құрамында зиянды химиялық немесе синтетикалық компоненттер жоқ.

Іс-шараға Қазақстан Республикасының Президенті Қасым-Жомарт Кемелұлы Тоқаев, сондай-ақ Қырғызстан, Өзбекстан, Тәжікстан, Түрікменстан, Армения, Моңғолия, Грузия және Әзербайжан мемлекеттерінің президенттері мен өкілдері, сонымен қатар БҰҰ және басқа да халықаралық ұйымдардың басшылары мен өкілдері қатысты.

Көрмеге қатысу университеттің ғылыми әзірлемелерінің әлеуетін және олардың өндірісте практикалық қолданылуын көрсетуге, сондай-ақ агроөнеркәсіптік кешенде орнықты және экологиялық шешімдерді дамытуға қосқан үлесін атап өтуге мүмкіндік берді.